Navro‘zdan so‘ng Issiqko‘lga poyezdda borish mumkin

O‘tgan yilda 2018 yil bahorida Toshkentdan Issiqko‘lga temir yo‘l qatnovi ochilishi haqida xabar berilgandi. Ana shu yo‘nalishdagi “Toshkent –– Baliqchi – Toshkent” poyezd qatnovi shu yil 22 martdan boshlab qayta yo‘lga qo‘yiladi. Bu haqda “Xalq so‘zi” nashri “Qirg‘iz temir yo‘llari” milliy kompaniyasi matbuot xizmatiga asosan xabar berdi.

Qatnov haftasiga bir marta bo‘ladi. Poyezd 22 mart kuni Toshkentdan yo‘lga chiqsa, 23 mart kuni Baliqchiga yetib boradi. 24 mart kuni bu shahardan ortga qaytadi va 25 mart kuni poytaxtga kirib keladi. 

Ushbu poyezd tarkibida 7 ta yirik vagon, 3 ta platskart vagoni va vagon-restoran joy olgan.