Bryus Uillis ishtirokidagi film suratga olish jarayonida o‘t o‘chiruvchi halok bo‘ldi

Aktyor Bryus Uillis va Alek Bolduin ishtirokidagi «Yetimlar Bruklini» filmini suratga olish ishlarida o‘t o‘chiruvchi Maykl Devidson halok bo‘ldi. Ushbu hodisa Nyu-Yorkda yuz berdi, deb xabar qilmoqda Reuters.

Yana besh kishi, jumladan ikki nafar o‘t o‘chirish xizmati xodimi jabrlandi.

Hodisa kinoni suratga olish ishlari amalga oshirilgan St. Nick's Jazz Pub tarixiy binosida yuz berdi.

Edvard Norton «Yetimlar Bruklini»da rejissyor sanaladi, shuningdek, u rollardan birini ham ijro etmoqda.

Kartina prodyuserlari ro‘y bergan voqea tufayli o‘z ta'ziyalarini izhor etishgan.