«Roma» va «Liverpul» YeChL yarim finallari tarixida rekord o‘rnatdi

«Roma» va «Liverpul» o‘rtasidagi yarim final Chempionlar ligasi tarixida eng sermahsul bo‘ldi. Ikki uchrashuv yakuniga ko‘ra 13ta gol urildi.

Birinchi o‘yin Liverpulda 24 aprel kuni bo‘lib o‘tdi hamda mezbonlarning 5:2 hisobidagi g‘alabasi bilan tugadi. «Liverpul» tarkibida Sadio Mane, ikki marotabadan Muhammad Saloh va Roberto Firmino gol urdi. Mehmonlardan esa Edin Djyeko va Diyego Perotti o‘z nomini tabloga yozdirib qo‘ydi.

2 may kuni bo‘lib o‘tgan ikkinchi o‘yinda «Roma» 4:2 hisobida ustun keldi. Italiya jamoa tarkibida Edin Djyeko, ikki marta Raja Naynggolan gol urdi, Jyeyms Milner esa avtogol qayd etdi. «Liverpul»da Sadio Mane hamda Jorjino Veynaldum gol kiritdi.