Chikagoda osmono‘par binoning 95-qavatidan ichida yo‘lovchilar bo‘lgan lift tushib ketdi

Chikagoda 100 qavatli Xankok-markaz binosida ichida olti nafar yo‘lovchi bo‘lgan lift 95-qavatdan pastga tushib ketdi. Bu haqda Daily Mail xabar qilmoqda.

Nashr ma'lumotlariga ko‘ra, hodisaga uzilib ketgan tros sabab bo‘lgan. Kabinada meksikalik ikki nafar sayyoh, homilador ayol va uch nafar talaba bor edi.

Pastga tushib ketgan kabina 11-qavatda turib qolgan. Qutqaruvchilar lift qayerda ekanini aniqlash, devorni buzish va odamlarni chiqarib olish uchun uch soat vaqt sarflashdi.

Ro‘y bergan voqea natijasida hech kim zarar ko‘rmadi.