Sinay yarimorolidagi portlashda 7 kishi halok bo‘ldi

Misrning Sinay yarimoroli shimolidagi Shayx Zubayd shahri bozorlaridan birida terrorchi-xudkush o‘zini portlatishi oqibatida 7 kishi halok bo‘ldi, 26 kishi yaralandi.

“Xavfsizlik kuchlari tomonidan bozor patrul qilinayotganda, 15 yoshlar atrofidagi xudkush o‘zini politsiya kuchlari yaqinida portlatgan. Buning oqibatida 2 zobit va 2 politsiyachi hamda 3 nafar fuqaro halok bo‘lgan, yana 26 kishi jarohat olgan”, deyilgan xabarda.  

Ma'lum qilinishicha, portlash bozorni qo‘riqlagan xavfsizlik kuchlari xodimlariga qaratilgan bo‘lgan.