Qoʻshimcha funksionallar
-
Tungi ko‘rinish
232 million so‘mlik «Tropikamid» va «REGAPEN» dori vositalarining noqonuniy aylanmasi to‘xtatib qolindi
Kecha, 6 oktabr kuni Toshkent viloyati bojxona boshqarmasi tomonidan «Chinor» yo‘l patrul postida «Tropikamid» va «REGAPEN» nomli dori vositalarini noqonuniy olib o‘tishga urinish bilan bog‘liq holat fosh etildi. Bu haqda Davlat bojxona qo‘mitasi axborot xizmati xabar bermoqda.
Tadbir davomida, yo‘l patrul xizmati maskaniga kirib kelgan, fuqaro M.A. boshqaruvidagi “ISUZU” rusumli yuk avtotransporti to‘xtatilib, belgilangan tartibda nazoratdan o‘tkazildi. Natijada avtomashinada tegishli hujjatlari bo‘lmagan qiymati 112,2 million so‘mlik 6600 dona «Tropikamid 10 mg» va 120 million so‘mlik 8400 dona «REGAPEN 300 mg» nomli dori vositalari borligi ma'lum bo‘ldi.
Olingan ashyoviy dalillarning umumiy qiymati 232,2 million so‘mni tashkil qildi.
Hozirda yuqoridagi holat yuzasidan bojxona organlari tomonidan surishtiruv harakatlari olib borilmoqda.
Mavzuga oid
08:43 / 04.02.2024
Toshkentda kuchli ta’sir qiluvchi dorilar muomalaga kiritilishining oldi olindi
14:09 / 27.03.2022
Davlat bojxona qo‘mitasi raisiga yangi o‘rinbosarlar tayinlandi, hududiy boshqarmalarda ham o‘zgarishlar
15:01 / 19.11.2021
Kuchli ta'sir qiluvchi dori vositalari: Nega yoshlar o‘zlarini zaharlashmoqda?
18:11 / 01.04.2019