MB: Karantin davrida xalqaro pul o‘tkazmalari xizmati cheklanmaydi

Markaziy bank boshqarma boshlig‘i Xusanxo‘ja Obidov ma'lumotiga ko‘ra, xalqaro pul o‘tkazmalariga koronavirus pandemiyasi tufayli cheklov yoxud taqiq o‘rnatilmagan.

«Ta'kidlash lozimki, ayni paytda xalqaro va chegaralararo pul o‘tkazmalarda hech qanday taqiq yo‘q. Barcha banklar kundalik ish tarzida faoliyatini davom ettirmoqda», - deya ma'lumot berdi Obidov.

Uning aytishicha, banklarda ayrim xodimlar mehnat ta'tiliga chiqarilgan, boshqa xodimlar masofadan turib ishlamoqda. Qolaversa, virusdan himoyalanish maqsadida tibbiy-gigiyenik qoidalarga qat'iy amal qilish lozim.

«Barcha bank mijozlaridan ko‘proq onlayn banking xizmatlaridan foydalanishini iltimos qilamiz. Shu bilan koronavirus infeksiyasi tarqalishini oldi olinadi», - deya qo‘shimcha qildi u.