Xiaomi yangi smartfonlarini taqdim qildi

Xitoyning Xiaomi kompaniyasi Pekinda o‘tgan global onlayn-taqdimot doirasida yangi mahsulotlari - Redmi Note liniyasidagi yangi smartfonlari - Redmi Note 9 va Redmi Note 9 Pro’ni hamda Mi Note 10 Lite’ni taqdim qildi.

Foto: Xiaomi

Ma'lum qilinishicha, Redmi Note 9 Pro ikkita variantda taqdim etilgan (6 Gb tezkor va 64 Gb doimiy xotira hamda 6 Gb tezkor va 128 Gb doimiy xotira), Snapdragon 720G protsessori, 6,67 dyuymli displey va 64 Mpli asosiy orqa kvadrokamera hamda 16 Mpli old kamera bilan jihozlangan.

Be a PRO in every way. #TheLegendContinues #RedmiNote9Pro pic.twitter.com/ZiIQeRAdBW
— Xiaomi (@Xiaomi) April 30, 2020

Redmi Note 9 ham ikki variantda taqdim qilingan: 3 Gb+64 Gb va 4 Gb+128 Gb. Smartfon ekrani diagonali 6,53 dyuymni tashkil qiladi. MediaTek Helio G85 protsessori va 13 Mpli old kamera hamda 48 Mpli asosiy orqa kamera bilan jihozlangan.

Premial Mi Note 10 Lite’ga kelsak, u 6,47 dyuymli displey, Snapdragon 730G protsessori, 64 Mpli asosiy kvadrokamera va 16 Mpli old kamera bilan jihozlangan. Smartfon tezkor va doimiy xotira sig‘imi bo‘yicha 3 variantga ega: 6Gb + 64Gb, 6Gb + 128Gb va 8Gb + 128Gb.