Odnoklassnikida foydalanuvchilarga, brendlarga va mualliflarga stikerlarni yuklashga ruxsat berildi

Odnoklassnikida shaxsiy stikerlar to‘plamlarini yuklash imkoniyati paydo bo‘ldi. Foydalanuvchilarga ularga yordam beradigan va yo‘naltiradigan, rasmlarni oladigan va tayyor stikerlar to‘plamiga havolani qaytaradigan chat-bot ko‘maklashadi.

Endilikda foydalanuvchilar nafaqat taklif qilingan stikerlar to‘plami yordamida hissiyotlarni almashishlari, balki do‘stlari va yaqinlari bilan muloqot qilish uchun o‘zlarining shaxsiy kontentlarini yaratishlari mumkin. Masalan, umumiy hazillar, sevimli iboralar va tasvirlar bilan stikerlar yasash va do‘stlar bilan bo‘lishish mumkin.

Yangi xizmat shuningdek, mualliflarga, taniqli kishilarga va brendlarga o‘zlarining obunachilari bilan OK da yanada ta'sirliroq muloqotda bo‘lishlariga imkon beradi. Stikerlar yordamida brendlar foydalanuvchilar bilan kunlik aloqaga qo‘shilib, mahsulotni tanib olishni oshirishlari va auditoriya bilan aloqalar sonini ko‘paytirishlari mumkin. Blogerlar va mashhur shaxslar obunachilarini yanada ko‘proq jalb qilishadi va ular OK dagi o‘z muxlislari doirasini kengaytirishlari mumkin bo‘ladi.

Agar foydalanuvchi xabarlar yoki sharhlar qatorida ko‘rgan stikerni yoqtirsa, ustiga bosish orqali o‘ziga butun to‘plamni qo‘shishi mumkin. Shuning uchun ham stikerlar ijtimoiy tarmoq foydalanuvchilari o‘rtasida organik ravishda tarqatilmoqda. Yaqin kunlarda  OKda stikerlar to‘plamlarini o‘rnatish statistikasi mavjud bo‘ladi. 

OK stiker platformasini faol ravishda rivojlantirmoqda. OKning 10 millionga yaqin foydalanuvchilari har kuni sharhlar va xabarlarda stikerlarni yuborishmoqda. 2020 yil boshida neyron tarmoq tomonidan brendlar uchun yaratilgan shaxsiylashtirilgan stikerlar ijtimoiy tarmoqda paydo bo‘ldi. “Citimobil” taksi xizmati ulardan birinchilardan bo‘lib foydalanib, uch kun ichida guruh a'zolarining sonining sezilarli darajada ortishiga va 500 ming o‘rnatmalarga ega bo‘ldi.