Qoʻshimcha funksionallar
-
Tungi ko‘rinish
Avstraliyalik olimlar va JSST koronavirus pandemiyasi qizamiq tarqalishi avj olishiga olib kelishi mumkinligini bildirdi
Olimlarning fikricha, koronavirus tarqalishi ko‘plab mamlakatlarda boshqa kasalliklarga qarshi emlash jarayonini izdan chiqargan.
Foto: Jose Luis Gonzalez / Reuters
Bolalarda qizamiq tarqalishining avj olishi koronavirus pandemiyasining salbiy oqibatlaridan biri bo‘lishi mumkin. Bu haqda Melburndagi Merdok bolalar ilmiy-tadqiqot instituti, JSST va Efiopiya olimlari o‘tkazgan tadqiqot xulosasida aytilmoqda.
Olimlarning fikricha, koronavirus tarqalishi ko‘plab mamlakatlarda boshqa kasalliklarga qarshi emlash jarayonini izdan chiqargan. Ko‘plab mamlakatlar emlash kampaniyasini boshlaganiga qaramasdan, oktyabr oxirida 26 mamlakatdagi 94 mln bola qizamiqqa qarshi rejalashtirilgan emlashdan mahrum bo‘lgan.
Tadqiqot mualliflari yaqin oylar ichida qashshoq mamlakatlarda qizamiqqa qarshi emlanmagan bolalar soni ko‘payishi mumkinligidan tashvish bildirgan. To‘yib ovqatlanmaslik va A vitamini yetishmovchiligi natijasida vaziyat yanada yomonlashishi mumkin.
«Bularning barchasi 2021 yilda qizamiq tarqalishiga sharoit yaratadi va qizamiqdan o‘lim holatlari oshishiga olib keladi», — deyiladi olimlar hisobotida.
Koronavirus
Mavzuga oid
12:22 / 23.02.2024
JSST qizamiq epidemiyasi keng tarqalishi ehtimolidan ogohlantirdi
18:16 / 25.11.2023
Namanganda qizamiq bilan kasallanish o‘chog‘i paydo bo‘ldi. Yil boshidan buyon 735 ta holat qayd etilgan
16:21 / 18.11.2023
JSST: dunyoda qizamiqdan o‘lim holatlari yil davomida 1,5 barobar oshdi
18:26 / 24.07.2023