AKT vaziri: 14 ming kilometr optik tolali liniyalar tashkil etildi va yuqori tezlikdagi internetga ulanish imkoniyati yaratildi

AOKAda o‘tkazilgan brifingda berilgan ma'lumotlarga ko‘ra, raqamli iqtisodiyot va elektron hukumatni joriy etishda infratuzilmani rivojlantirish maqsadida: 

• 1 millionta Internet tarmog‘ida keng polosali ulanish portlari o‘rnatilgan va ularning umumiy soni 3 milliontaga yetkazilgan;
• 32 ming km optik tolali aloqa liniyalari qurildi;
• 3 mingta tayanch stansiyalari keng polosali texnologiyalari asosida modernizatsiya qilindi;
• 5 petabayt sig‘imga teng Ma'lumotlarni saqlash va qayta ishlash markazi ishga tushirildi.

Mavjud texnik quvvatlarni keskin oshirish hisobiga o‘tgan yil dekabr oyidan aloqa kanallari ijarasi tariflari 2 barobarga, o‘tgan yil davomida internet xizmatlari tariflari esa 29 foizga arzonlashtirilishiga erishildi (1 Mbit/s internet narxi 40,0 ming so‘m).

Shuningdek, ijtimoiy soha obektlariga, shu jumladan 8 095ta xalq ta'limi, 5 440ta maktabgacha ta'lim va 3 207ta sog‘liqni saqlash muassasalarigacha jami 14 ming km optik tolali aloqa liniyalari tashkil etildi va yuqori tezlikdagi Internet tarmog‘iga ulanish imkoniyati yaratildi.

Bundan tashqari, 5 641ta mobil aloqa tayanch stansiyalari ishga tushirilgan.