Surxondaryoda o‘riklar sovuqdan 80 foizgacha zararlangani ma'lum bo‘ldi

Surxondaryo viloyati hokimligi matbuot xizmati xabariga ko‘ra, viloyatda Gidrometeorologiya boshqarmasiga qarashli meteostansiya va agrometeorologik post kuzatuvlari o‘tkazilgan. 

Sovuq ob-havodan mevali daraxtlar, kuzgi bug‘doy va beda nihollari quyidagicha zararlangan:

• bug‘doy — 10 foizgacha;
• beda — 10 foizgacha;
• bodom — 30 foizgacha;
• o‘rik — 80 foizgacha;
• olma — 30 foizgacha;
• gilos — 25 foizgacha;
• shaftoli — 10 foizgacha;
• tut daraxti — 5 foizgacha.

Qayd etilishicha, uzum va anor daraxtlariga sovuq ta'sir qilmagan.