11-FLTAL konferensiyasi Buxoro davlat universitetida o‘tkazildi

FLTAL-2021 konferensiyasi “O‘zgarishlar va transformatsiyalar-chet tillarni o‘rganish chorrahasida madaniyatlararo ta'lim” mavzusida nazariy va amaliyot o‘rtasidagi aloqalarni rivojlantirish hamda tadqiqot natijalarini amaliyotda qo‘llash bo‘yicha turli nuqtai nazarlarni o‘rganish uchun tadqiqot jamoalarini jalb qilishga mo‘ljallangan.

Ta'kidlanishicha, tashkilotchilar Buxoro davlat universiteti, Toshkent davlat sharqshunoslik universiteti, Qatar va Birmingem universitetlarida o‘tkazilgan anjumanning jahon talablari darajasida bo‘lishini ta'minlashga erishganlar. Shuningdek, konferensiyada  faol qatnashgan talabalar o‘rtasida «Eng yaxshi maqola» nominatsiyasi bo‘yicha taqdirlash marosimi ham o‘tkazildi.

Ma'lumot uchun, professor Azamat Akbarov asos solgan FLTAL (Foreign Language Teaching and Applied Linguistics) anjumani butun dunyodagi barcha darajalarda til va tilshunoslikni o‘qitishga qiziqqan tadqiqotchilar, amaliyotchilar va o‘qituvchilarni birlashtirishga mo‘ljallangan. Ushbu konferensiya 2011-2016 yillarda Yevropa mamlakatlarida, 2017-2018 yillar Qozog‘istonda, 2019 yil Rossiya hamda 2020 yil Samarqandda o‘tkazilgandi.