Toliblar qurolli kuchlari bosh shtabi boshlig‘ining tvitterdagi akkaunti soxtaligi ma’lum qilindi

Toliblar qurolli kuchlari bosh shtabi boshlig‘i Qori Fasihiddin Fitratning tvitterdagi akkaunti soxta, deb ma’lum qildi "Tolibon" harakati matbuot kotibi Zabihulla Mujohid.

"Mamlakat faxriy yetakchisi Qori Sohib Fasihiddinning tvitterda akkaunti yo‘q. Tvitterdagi uning nomidan ochilgan akkaunt va undagi ma’lumotlar soxta", – deb yozdi Mujohid.

U shuningdek, Fitratning nomidagi akkauntda e’lon qilingan toliblar “shimoliy chegaralarga 10 ming nafar jangarini jo‘natgani” to‘g‘risidagi xabar skrinshotini joylashtirdi. 

Fitratning nomiga ochilgan akkauntda toliblar faoliyatiga oid xabarlar joylashtirib kelinadi. Akkaunt 2021 yil noyabrda ro‘yxatga olingan.