Onlayn ro‘yxatdan o‘tgan abituriyentlar soni 1,2 milliondan oshdi

2022-2023 o‘quv yili uchun oliy ta’lim muassasalarining bakalavriat ta’lim yo‘nalishlariga abituriyentlarni onlayn ro‘yxatga olish yakunlandi.

Qabul yakuniga ko‘ra onlayn ro‘yxatdan o‘tgan va ta’lim yo‘nalishlarini tanlagan abituriyentlar soni 1 214 232 nafarni tashkil etdi. Shundan, 395 023 nafari — joriy yil bitiruvchilari, 819 209 nafari — avvalgi yillar bitiruvchilari.

Abituriyentlarning ta’lim shakllari bo‘yicha taqsimoti (birinchi ta’lim yo‘nalishiga nisbatan):

• kunduzgi ta’lim shakli — 612 530 nafar;
• sirtqi ta’lim shakli — 565 902 nafar;
• kechki ta’lim shakli — 27 417 nafar;
• masofaviy ta’lim shakli — 8 383 nafar.

Abituriyentlarning doimiy yashash hududi bo‘yicha taqsimoti:

• Qashqadaryo viloyati — 140 797 nafar;
• Samarqand viloyati — 133 610 nafar;
• Toshkent viloyati — 116 251 nafar;
• Farg‘ona viloyati — 109 938 nafar;
• Surxondaryo viloyati — 106 145 nafar;
• Andijon viloyati — 79 235 nafar;
• Namangan viloyati — 77 607 nafar;
• Qoraqalpog‘iston Respublikasi — 75 819 nafar;
• Jizzax viloyati — 74 346 nafar;
• Toshkent shahri — 68 545 nafar;
• Buxoro viloyati — 67 663 nafar;
• Xorazm viloyati — 64 351 nafar;
• Navoiy viloyati — 54 512 nafar;
• Sirdaryo viloyati — 45 413 nafar.