Ma’muriy sudlarga o‘z tashabbusi bilan dalillarni yig‘ish majburiyati yuklanishi mumkin

Ma’muriy sud ishlarini yuritishni “sud faol ishtiroki” tamoyili asosida amalga oshirish, bunda ma’muriy sudlarga ish haqiqiy holatlarini aniqlash uchun o‘z tashabbusi bilan dalillarni yig‘ish majburiyatini yuklash, huquqi buzilgan fuqaro yoki tadbirkorlik sub’yektiga esa dalillarni yig‘ishda faqat o‘z imkoniyati doirasida ishtirok etishi belgilanmoqda.

Qonun loyihasida ommaviy-huquqiy munosabatlardan kelib chiqadigan ishlar bo‘yicha taraflar o‘rtasida yarashuvga erishish mexanizmlarini, sudlar tizimida “yagona darcha” tamoyilini keng joriy etish mo‘ljallangan.

Sudlar tomonidan da’vo arizasi, ariza hamda shikoyatni sudga taalluqli bo‘lmagani sababli qabul qilishni rad etish yoki ish bo‘yicha ish yuritishni tugatishni taqiqlash, da’vo arizasi, ariza, shikoyat yoki ishni ularni ko‘rib chiqishga vakolatli sudga o‘tkazish kabi normalar ham o‘z aksini topgan.

Majlisda deputatlar tomonidan loyihadagi ayrim moddalarni maromiga yetkazish zarurati borligi aytildi. Qonun loyihasi mas’ul qo‘mitaga qaytarildi.