DXX Navoiyda qalbaki pullarni muomalaga kiritayotgan guruhni qo‘lga oldi

O‘tkazilgan tezkor tadbirda 360 mln so‘m qalbaki pullarning muomalaga chiqarilishiga chek qo‘yilgan.

DXX katta miqdordagi qalbaki pullarni muomalaga kiritayotgan guruhni qo‘lga oldi.

Ma’lum qilinishicha, DXX tomonidan Navoiy shahrida tezkor tadbir o‘tkazilgan. Unda Toshkent shahrida yashovchi fuqaroning Cobalt mashinasida 100 ming so‘mlik banknotlardan iborat 221 mln 100 ming so‘m miqdoridagi qalbaki pullar borligi aniqlangan.

Tadbir davom ettirilib, uning jinoiy sheriklari bo‘lgan Navoiy va Buxoro viloyatlarida yashovchi 5 nafar shaxs ham ushlangan. Ulardan jami 139 mln 800 ming so‘m miqdoridagi qalbaki pullar olingan.

Tezkor tadbir davomida umumiy qiymati 360 mln 900 ming so‘m bo‘lgan qalbaki pullarning muomalaga chiqarilishiga chek qo‘yilgan.

Qashqadaryoda 500 million soxta pul yasagan va uni 125 million so‘mga sotmoqchi bo‘lgan shaxslar ushlandi

Qalbaki 200 ming so‘mliklar tarqalmoqda. IIV holat yuzasidan tergov ketayotganini bildirdi

#Navoiy #qalbaki pul #DXX