Saudiya Arabistoni ishbilarmonlari O‘zbekistonga kelishi kutilmoqda

O‘zbekiston elchixonasi xodimlarining Saudiya Arabistoni Savdo-sanoat palatalari federatsiyasi Mintaqaviy va xalqaro aloqalar direktori Xalil al-Afra bilan uchrashuvi bo‘lib o‘tdi.

Uchrashuvda O‘zbekiston qishloq xo‘jaligi mahsulotlarini Saudiya Arabistoni bozoriga eksport qilish, ikki davlat savdo-sanoat palatalari o‘rtasida hamkorlik aloqalarini jadallashtirish va tashriflar almashinuvini yo‘lga qo‘yish masalalari muhokama qilindi.

Xalil al-Afra ikki davlat o‘rtasidagi aloqalar so‘nggi olti yilda yangi bosqichga ko‘tarilgani ta’kidladi. Bunda ikki mamlakat rahbarlarining siyosiy irodasi va o‘zaro munosabatlarni yanada rivojlantirishga bo‘lgan mushtarak intilishlari muhim o‘rin tutayotganini qayd etildi.

Muloqot davomida tomonlar ikki mamlakat Savdo-sanoat palatalari vakillaridan iborat ishchi guruh tuzish masalalariga e’tibor qaratishdi.

Uchrashuv yakunida Saudiya Arabistoni Savdo-sanoat palatalari federatsiyasi raisi boshchiligida ishbilarmon doira vakillaridan iborat delegatsiyaning O‘zbekistonga tashrifini tashkil etish yuzasidan kelishib olindi.