Toshkentdagi ayrim savdo majmualarida o‘quv mashg‘ulotlari o‘tkazilmoqda

Poytaxtda joylashgan ayrim savdo majmualarida Toshkent shahar IIBB, Milliy Gvardiya va boshqa huquqni muhofaza qiluvchi organ xodimlari bilan hamkorlikda belgilangan rejaga muvofiq navbatdagi o‘quv mashg‘ulotlari o‘tkazilmoqda. 

Toshkent shahar IIBB xabariga ko‘ra, o‘quv mashg‘ulotlari shaharda tinchlik va osoyishtalikni ta’minlash, shuningdek, odamlar gavjum joylarda xavfsizlik qoidalariga rioya etilishini tekshirish maqsadida amalga oshirilmoqda.

“Hurmatli fuqarolar! Xavfsizlik qoidalariga rioya etishingizni va xavotirga berilmasligingizni hamda vaqtinchalik noqulayliklar uchun uzr so‘raymiz. Barcha harakatlar shahrimizning tinchlik va osoyishtaligini ta’minlash maqsadida o‘tkazilmoqda”, deyiladi ma’lumotda.