Kreml saylovoldi kampaniya qachon boshlanishini bilmasligini ma’lum qildi

Rossiya prezidenti matbuot kotibi Dmitriy Peskov prezidentlik kampaniyasining noyabr oyida rasman boshlanishi haqida hech narsa bilmasligini aytdi. «To‘g‘risini aytsam, menda bunday ma’lumotlar yo‘q», dedi u 3 oktyabr, seshanba kuni bo‘lib o‘tgan press-koll chog‘ida tegishli savolga javob berib.

Avvalroq «Kommersant» gazetasi Rossiya prezidenti ma’muriyatiga yaqin manbalarga tayanib, norasmiy prezidentlik kampaniyasining boshlanishi noyabr oyiga mo‘ljallangani hamda «Rossiya» xalqaro ko‘rgazma forumi ochilishiga to‘g‘ri kelishi aytilgan maqolani e’lon qildi. Nashrning ta’kidlashicha, ehtimoliy ssenariylardan biriga ko‘ra, Vladimir Putin yangi prezidentlik muddatiga o‘z nomzodini aynan shu platformada – Rossiyaning barcha hududlari ishtirok etadigan tadbir doirasida ochiq e’lon qilishi mumkin.

Noyabrdagi start - prezidentlik kampaniyasini boshlash variantlaridan biri

Shu bilan birga, nashr manbalari ta’kidlashicha, Putinning noyabr oyida yangi muddatga saylanish niyatini e’lon qilishi prezidentlik kampaniyasini boshlashning bir nechta variantlaridan biri, xolos.

Qonuniy jihatdan, prezidentlik saylovi kampaniyasi ular Federatsiyalar kengashi tomonidan tayinlangan paytdan boshlanadi. Qonunga ko‘ra, bu qaror 2024 yil 17 martda bo‘lib o‘tadigan ovoz berish kuniga 100 kundan kechiktirmay va 90 kundan kechiktirmay qabul qilinishi kerak. Ya’ni, saylovlar 8 dekabrdan 18 dekabrga qadar belgilanishi kutilmoqda.