O‘zbekiston va AQSh munosabatlarni mustahkamlash masalasi bo‘yicha uchrashuv o‘tkazdi

O‘zbekiston tashqi ishlar vazirining o‘rinbosari Muzaffar Madrahimov AQSh elchisi Jonatan Xenik bilan uchrashdi.

Foto: Tashqi ishlar vazirligi matbuot xizmati

TIV ma’lumotiga ko‘ra, uchrashuvda siyosiy muloqotni faollashtirish, savdo-iqtisodiy va investitsiyaviy hamkorlikni rivojlantirish masalalari, shuningdek, 2024 yilga mo‘ljallangan qo‘shma tadbirlar jadvali va tashkiliy jihatlari muhokama qilindi.

Oliy va yuqori darajadagi muzokaralar doirasida erishilgan kelishuvlarni amalga oshirish nuqtayi nazaridan O‘zbekiston-AQSh munosabatlarini mustahkamlash istiqbollariga alohida e’tibor qaratildi.

Uchrashuv kun tartibidan ikki tomonlama munosabatlarning shartnomaviy-huquqiy bazasini kengaytirish masalalari ham o‘rin oldi.

#AQSh #Jonatan Xenik