Bo‘stonliqda elektrdan noqonuniy foydalangan dalahovlilar aniqlandi

Bo‘stonliq tumanida 241,7 mln so‘mlik elektr energiyasidan noqonuniy foydalangan dalahovlilar aniqlandi.

Foto: Prokuratura departamenti

Bosh prokuratura huzuridagi departamentning Bo‘stonliq tuman bo‘limi tomonidan tergovga qadar tekshiruvlar o‘tkazilgan.

Unda, T.S. va Ch.T. oilaviy korxonasi rahbarlari “Do‘stlik” hamda “Chimgan” MFY hududidagi tijorat maqsadida foydalanib kelgan dalahovlilarini o‘zboshimchalik bilan elektr tarmog‘iga to‘g‘ridan to‘g‘ri ulab, jami 241,7 mln so‘mlik elektr energiyasini o‘g‘irlagani aniqlangan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.

#elektr #Bo‘stonliq