Qirg‘izistondagi institutga kiritib qo‘yishini aytib, fuqarolardan 46 mln so‘m olganlar ushlandi 

Bosh prokuratura huzuridagi departamentning Peshku tuman bo‘limi tomonidan tergovga qadar tekshiruv o‘tkazilgan.

Unda fuqarolar M.H. va M.J. 2 nafar fuqaroning ishonchiga kirib, go‘yoki yuqori lavozimda ishlovchi tanishlari yordamida ularni qo‘shni Qirg‘izistondagi institutga o‘qishga kiritib qo‘yib, keyinchalik o‘qishini O‘zbekistondagi oliy ta’lim muassasalaridan biriga ko‘chirtirib berishi evaziga jami 46 mln so‘mini firibgarlik yo‘li bilan qo‘lga kiritgani aniqlanib, M.J.ning ushbu pullar hisobidan 17 mln so‘mini qaytargani protsessual tartibda rasmiylashtirilgan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.