Isroilning G‘azo markaziga uyushtirgan havo hujumlarida besh kishi halok bo‘ldi

Isroil kuchlari blokadadagi G‘azo sektorining markaziy qismidagi turar joy binolarini o‘qqa tutdi.

Foto: Picture Alliance

Isroil havo kuchlarining blokada ostidagi G‘azo sektorining markaziy qismidagi ikkita turar joy binosiga uyushtirgan hujumi oqibatida besh falastinlik halok bo‘ldi.

Bu haqda G‘azodagi fuqarolik mudofaasi boshqarmasi Telegramda xabar berdi.

Departament, shuningdek, ikkita uyning o‘qqa tutilishi natijasida ko‘plab jarohatlanganlar haqida xabar berdi.

Qidiruv-qutqaruv ishlari davom etmoqda, deya qo‘shimcha qildi boshqarma.

Mahalliy manbalarning xabar berishicha, Isroil armiyasi tun bo‘yi Falastin eksklavining turli hududlariga havo va quruqlikdan intensiv zarbalar bergan.

Isroil armiyasining 2023 yil 7 oktyabrdan beri uyushtirgan hujumlari natijasida blokadadagi G‘azo sektorida 39 480 kishi halok bo‘ldi, ulardan kamida 16 314 nafari bolalar va 10 980 nafari ayollar, 91 mingdan ortiq shaxs yaralangan.

Minglab halok bo‘lganlarning jasadlari hali ham vayronalar ostida qolmoqda.

#Isroil #G‘azo

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.