Qoʻshimcha funksionallar
-
Tungi ko‘rinish
Ostona aeroporti samolyotning favqulodda qo‘nishidan keyin yopildi
Ekipaj xatosi tufayli samolyot yo‘lakdan chiqib ketgan.
Foto: Ostona aeroporti axborot xizmati
Shveytsariya aviakompaniyasi samolyoti favqulodda qo‘nib, yo‘lakdan chiqib ketganidan so‘ng, Qozog‘iston poytaxti Ostona shahri aeroporti parvozlarni qabul qilishni to‘xtatdi. Bu haqda Tengrinews xabar berdi.
Qayd qilinishicha, 17 avgust kuni mahalliy vaqt bilan soat 16:00 da Tokiodan Tsyurixga uchayotgan Boeing 777-300ER samolyoti Ostona aeroportiga favqulodda qo‘ngan. Bunga 50 yoshli yo‘lovchida insult alomatlari aniqlangani sabab bo‘lgan. Qo‘nish chog‘ida samolyot yo‘lakdan sirpanib chiqib ketgan.
«Samolyot soat 16:00 da muvaffaqiyatli qo‘nganidan so‘ng, burilish chog‘ida ekipaj xatosi tufayli sirg‘alib, yo‘lakdan chiqib ketgan», deyiladi xabarda.
Hodisada jabrlanganlar borligi haqida xabar berilmadi. Samolyotning keyingi taqdiri ma’lum emas.
Ostona aeroporti ikki soatga barcha reyslar uchun vaqtincha yopilgan. Oqibatda bir qancha muntazam reyslar kechiktirilgan.
Mavzuga oid
23:10 / 23.12.2024
Rossiya Qozog‘istonda 7 mln dollarlik firibgarlik ishida ayblanayotgan O‘zbekiston fuqarosini ekstraditsiya qildi
17:57 / 23.12.2024
Qozog‘istonda yo‘lda buzilib qolgan avtobusdan o‘zbekistonliklar qutqarildi
20:04 / 21.12.2024
G‘oyib bo‘lgan mashinalar ishi: asosiy figurant Abdulla Abdurasulovning sheriklari qamaldi, uning o‘zini tergovchi qo‘yib yuborgan
19:37 / 19.12.2024