Termizda ilk bor O‘zbekiston va Afg‘oniston klublari xalqaro o‘rtoqlik o‘yinida maydonga tushishdi

«Alpomish» stadionida o‘tgan bellashuvda mezbon «Qiziriq» jamoasi Afg‘onistonning «Istiqlol»i ustidan 2:0 hisobida g‘alaba qozondi. 

Dastlabki daqiqalar mehmonlar ustunligida o‘tdi, biroq birinchi bo‘lim oxirida mezbonlar tezkor qarshi hujumlardan ikki bor foydalanishdi. 

Ikkinchi bo‘lim ham teng kurashlar ostida kechdi. «Istiqlol» gol urishga urindi, ammo «Qiziriq» himoyani mustahkam ushlashni uddaladi.