Qoʻshimcha funksionallar
-
Tungi ko‘rinish
Qo‘shrabotdagi portlash yuzasidan jinoyat ishi qo‘zg‘atildi
Bosh prokuraturaga ko‘ra, 4 kishining o‘limiga sabab bo‘lgan xonadondagi portlash yuzasidan tuman gaz ta’minoti bo‘limi mansabdor shaxslariga jinoyat ishi qo‘zg‘atilgan. Ular mansabga sovuqqonlik bilan qarash hamda yong‘in xavfsizligi qoidalarini buzishda ayblanmoqda.
Foto: Kun.uz
Samarqand viloyatining Qo‘shrabot tumanida sodir bo‘lgan portlash yuzasidan tuman gaz ta’minoti bo‘limi mansabdor shaxslariga nisbatan Jinoyat kodeksining 207 (Mansabga sovuqqonlik bilan qarash) va 259-moddasi (Yong‘in xavfsizligi qoidalarini buzish) bilan jinoyat ishi qo‘zg‘atildi. Bu haqda Bosh prokuratura matbuot kotibi Hayot Shamsutdinov xabar berdi.
Qayd etilishicha, hozirda tergov harakatlari olib borilmoqda.
Oldinroq Qo‘shrabot tumani Mustaqillik mahallasida, ikki qavatli uyning 2-qavatidagi xonadonlardan birida portlash sodir bo‘lgani xabar qilingandi.
Dastlabki ma’lumotlarga ko‘ra, bunga xonadonda gaz to‘planib qolgani sabab bo‘lgan. Hodisa oqibatida bir oilaning 4 a’zosi – er-xotin va ularning ikki farzandi vafot etgan.
Mavzuga oid
10:17 / 03.12.2024
Qo‘shrabotdagi bog‘cha va maktablarda tegishli hujjatlarsiz ilon tomoshalari o‘tkazildi. IIV holatni o‘rgandi
22:39 / 13.11.2024
Samarqandda maktab o‘quvchisini zo‘rlaganlikda gumonlanib 8 kishi ushlangan – Bosh prokuratura
12:03 / 13.11.2024
Samarqandda maktab o‘quvchisi bir guruh shaxslar tomonidan o‘g‘irlab ketilib, zo‘rlandi
17:04 / 22.10.2024