Magistraturaga qo‘shimcha qabulga ruxsat berildi

Qo‘shimcha qabul asosida o‘qish istagini bildirgan talabgorlar bevosita oliy ta’lim muassasasi qabul komissiyasiga murojaat etishi mumkin.

Foto: Getty Images

Davlat komissiyasining tegishli bayoni bilan 2024/2025 o‘quv yili uchun oliy ta’lim muassasalarining magistratura mutaxassisliklariga qo‘shimcha qabulga ruxsat berildi. Bu haqda Oliy ta’lim, fan va innovatsiya vazirligi xabar berdi.

Qayd etilishicha, qabul jarayonida talab darajasidagi xorijiy til sertifikatiga ega bo‘lib, qabul kvotasi doirasida talabalikka tavsiya etilmagan talabgorlarni oliy ta’lim muassasalari tomonidan belgilanadigan bazaviy to‘lov-kontrakt miqdorining 2 baravaridan ortiq bo‘lmagan miqdordagi to‘lov-kontrakt asosida qabul qilishga ruxsat berilgan.

Qo‘shimcha qabul asosida o‘qish istagini bildirgan talabgorlar bevosita oliy ta’lim muassasasi qabul komissiyasiga murojaat etishi mumkin.

#magistratura #qabul #Oliy ta’lim