Sinoptiklar yanvarda kutilayotgan ob-havo to‘g‘risida ma’lumot berdi

Bu yil yanvar oyining birinchi yarmida O‘zbekiston hududi bo‘yicha anomal sovuq yoki anomal iliq sharoit kutilmayapti.

Foto: Kun.uz

«O‘zgidromet» xabariga ko‘ra, havo harorati yanvar oyi boshi uchun bo‘lgan o‘rtacha ko‘p yillik qiymatlarga yaqin bo‘lib, kechalari –3...+2, kunduz kunlari +3...+8, shimolda kechalari –3...–8, kunduz kunlari 0...+5 daraja bo‘ladi.

Keyinchalik, oyning oxirigacha harorat kechalari +3...+8 darajadan –3...–8 darajagacha, shimolda –10...–15, kunduz kunlari +10...+15 darajadan –2...+3 darajagacha o‘zgarib turishi kutilmoqda.

Harorat kechalari –10...–12, shimolda –17...–20 darajagacha qisqa davrga pasayishi ehtimoli bor.

Oyning ayrim kunlarida yog‘ingarchilik (yomg‘ir, qor) bo‘lishi kutilmoqda.

#ob-havo #O‘zgidromet