Qoʻshimcha funksionallar
-
Tungi ko‘rinish
DXX raisi Bahodir Qurbonov general-polkovnik unvonini oldi
O‘zbekiston Davlat xavfsizlik xizmati raisi Bahodir Qurbonovga general-polkovnik harbiy unvoni berilgan. Kun.uz muxbirining xabar berishicha, u milliy armiya tashkil etilganining 33 yilligi va Vatan himoyachilari kuniga bag‘ishlab ayni daqiqalarda o‘tkazilayotgan bayram tadbirida uch yulduzli general pogoni biriktirilgan formada ishtirok etmoqda.
Foto: Kun.uz
General-polkovnik – O‘zbekistonda tinchlik davrida beriladigan eng yuqori harbiy unvon sanaladi.
55 yoshli Bahodir Qurbonov 2024 yil noyabridan buyon DXXni boshqarib kelmoqda. Undan avval 5 yil davomida O‘zbekiston mudofaa vaziri lavozimida faoliyat yuritgan.
Qurbonov general maqomini 2018 yilda olgan. Ungacha 2015-2018 yillarda Toshkent shahar Ichki ishlar bosh boshqarmasi boshlig‘i edi. 2018 yil fevralida unga general-mayor harbiy unvoni berilib, Toshkent harbiy okrugi qo‘shinlari qo‘mondoni lavozimiga tayinlangan. 2019 yil fevraliga kelib, O‘zbekiston mudofaa vaziri sifatida ish boshlagan. 2021 yil 13 yanvarda general-leytenant harbiy unvoniga sazovor bo‘lgan.
Eslatib o‘tamiz, Bahodir Qurbonov DXX raisi lavozimida general-leytenant Abdusalom Azizovning o‘rnini egallagandi. Mudofaa vazirligida esa uning o‘rnini vazirning birinchi o‘rinbosari – Qurolli Kuchlar Bosh shtabi boshlig‘i sifatida ishlab kelgan general-mayor Shuhrat Xolmuhammedov egalladi. Bosh shtabga general-mayor Iminov Zaynobiddin Ro‘ziyevich boshliq bo‘lgan.
Mavzuga oid
15:51 / 08.01.2025
Davlat sirlari to‘g‘risida qonun qabul qilindi. Nimalar ko‘zda tutilgan?
16:18 / 10.12.2024
Suriyadagi urushda qatnashib, vaziyatni yoritayotgan o‘zbekistonlik shaxs qidiruvda ekani ma’lum qilindi
12:38 / 25.11.2024
Bosh vazir yordamchisi va uning DXX Ichki xavfsizlik boshqarmasi boshlig‘i bo‘lib ishlagan akasi ishdan olindi
15:54 / 24.11.2024