Coca-Cola tarkibida xlorat ko‘p bo‘lgani uchun Yevropadagi mahsulotlarini qaytarib oldi
Kompaniyaning Gent shahridagi zavodida ishlab chiqarilgan mahsulotlarda xlorat miqdorining yuqoriligi aniqlangan. Sotilmagan mahsulotlarning aksariyati savdodan olib tashlangan va kompaniya qolganlarini ham qaytarib olmoqda.
![](https://storage.kun.uz/source/11/L7DgOzk8vc5zIPfenBb4O5K61OII_9hR.jpg)
Foto: NeOldu
Coca-Cola kompaniyasi Yevropaning ba’zi davlatlarida o‘z ichimliklari tarkibida xlorat kimyoviy moddasi me’yordan oshib ketgani aniqlanganidan so‘ng, ularni sotuvdan qaytarib olishini e’lon qildi. Bu haqda BBC xabar berdi.
Kompaniya Belgiya, Lyuksemburg va Niderlandiyadagi savdo javonlardan o‘z mahsulotlarini qaytarib olayotganini ma’lum qildi. Ta’kidlashicha, ushbu partiyadan beshta mahsulot Buyuk Britaniyaga o‘tgan yil oxirida yetkazib berilgan va allaqachon sotilgan.
Xlorat – suvni tozalashda va oziq-ovqat sanoatida xlorli dezinfeksiyalash vositalaridan foydalanilganda hosil bo‘lishi mumkin.
«Mustaqil ekspert tahlillari shuni ko‘rsatdiki, iste’molchilar uchun xavf juda kam», dedi kompaniya vakili.
Coca-Cola Britaniya iste’molchilaridan hech qanday shikoyat olmaganini va bu borada Buyuk Britaniya rasmiylari bilan hamkorlikni davom ettirishini aytdi.
Xloratning me’yordan oshib ketgan miqdori salomatlikka salbiy ta’sir ko‘rsatishi va qalqonsimon bez bilan bog‘liq muammolarga olib kelishi mumkin, ayniqsa bolalar va chaqaloqlarda.
Britaniya milliy sog‘liqni saqlash xizmati (NHS) diyetologi Karon Grazett shunday dedi: «Biz qanchalik oz miqdorda bo‘lmasin, feyyerverklar va dezinfeksiyalash vositalarida ishlatiladigan kimyoviy moddalarni alkogolsiz ichimliklarda iste’mol qilishni xohlaymizmi, deb o‘ylab ko‘rishimiz kerak».
Xlorat miqdori yuqori bo‘lgan oziq-ovqatlarni iste’mol qilish ko‘ngil aynish, qusish, diareya va qonning kislorodni o‘zlashtirish qobiliyatini pasayishiga olib kelishi mumkin, deb qo‘shimcha qildi mutaxassis kimyoviy moddalar bo‘yicha so‘nggi tadqiqotlarga tayanib.
Kompaniyaning Gent (Belgiya) shahridagi ishlab chiqarish zavodida muntazam sinovlar o‘tkazish chog‘ida xlorat miqdorining yuqoriligi aniqlangan. Sotilmagan mahsulotlarning aksariyati javonlardan olib tashlangan va kompaniya qolganlarini ham qaytarib olmoqda.
Coca-Cola vakilining aytishicha, kompaniya «o‘z mahsulotlarining sifati va xavfsizligini ustuvor vazifa deb biladi».
Tavsiya etamiz
O‘zbekistonda kitob o‘qigan mahkumning jazo muddati qisqartirilishi mumkin
O‘zbekiston | 18:19 / 13.02.2025
Bloomberg Rossiya - Ukraina urushi tugashining ehtimoliy uchta ssenariysini tuzdi
Jahon | 16:41 / 13.02.2025
Tramp va Mask demontaji: USAID o‘rnini Xitoy egallamoqda
Jahon | 16:35 / 13.02.2025
Ka’ba atrofida rasmga tushish taqiqlandimi?
Jamiyat | 14:35 / 13.02.2025
So‘nggi yangiliklar
-
Hindistondagi vokzalda tiqilinch yuz berdi. Kamida 18 kishi halok bo‘ldi
Jahon | 16:16
-
Farg‘onada tarkibida giyohvand modda bo‘lgan dori vositalarini sotayotgan shaxs ushlandi
O‘zbekiston | 16:14
-
Maskni qo‘llagan Japarov, qimmatlagan ajrim va qotil bog‘cha tarbiyachisi – Markaziy Osiyo hafta ichida
Jahon | 15:59
-
Turkiyaga shartli kirish tartibi bekor qilindi
Jahon | 15:53
Mavzuga oid
![](https://storage.kun.uz/source/thumbnails/_medium/11/Wzl8tTSeRAIXYomkaLDdINQJ6ROJ-zxJ_medium.jpg)
18:07 / 12.02.2025
Rossiya Afg‘onistondan Coca-Cola olib kelishni yo‘lga qo‘ydi
![](https://storage.kun.uz/source/thumbnails/_medium/10/cYuaXLGOQE6NgGpCnTcaTNXV0hJDgsF-_medium.jpg)
17:00 / 29.12.2024
Coca-Cola bayram shukuhini yaratmoqda: mashhur karvon O‘zbekistonning 10 ta shahriga tashrif buyurdi
![](https://storage.kun.uz/source/thumbnails/_medium/10/vaYpY7QYD5BJjS5xjvYjpUuLkHg9KnYm_medium.jpeg)
11:05 / 21.11.2024
Qimmat sotilgan dorilar tufayli iste’molchilarga 7 mlrd so‘m qaytarildi
![](https://storage.kun.uz/source/thumbnails/_medium/10/t_CdoGQSyvc70HVzrxtX4LjyV7oTdycy_medium.jpg)
16:00 / 08.10.2024