Rossiya delegatsiyasi Asad hokimiyatdan ag‘darilganidan keyin ilk bor Suriyaga keldi
Rossiya tashqi ishlar vaziri o‘rinbosari va Rossiya Federatsiyasi prezidentining maxsus vakili Damashqqa yetib keldi. Bu Rossiya rasmiylarining Bashar Asad hokimiyatdan ag‘darilganidan keyin Suriyaga ilk tashrifidir.
![](https://storage.kun.uz/source/11/DOH3OJAdMZm1dT3It7FE4D-fcwEY4Ffd.jpg)
Foto: AP / Omar Sanadiki
Rossiyaning rasmiy delegatsiyasi Suriyaga yetib keldi - uning samolyoti 28 yanvar, seshanba kuni Damashqqa qo‘ndi. Rossiya Federatsiyasi tashqi ishlar vaziri o‘rinbosari Mixail Bogdanov va Rossiya prezidentining Suriya bo‘yicha maxsus vakili Aleksandr Lavrentev mamlakatga keldi. Bu Bashar Asad hokimiyatdan ag‘darilganidan keyin Rossiya rasmiylarining ilk rasmiy tashrifidir. Ularning safar maqsadi aniqlashtirilmagan.
Suriyaning sobiq prezidenti «Hay’at Tahrir ash-Shom» (Hsh) guruhi va uning qurolli ittifoqchilarining tez olg‘a siljishidan so‘ng hokimiyatni yo‘qotdi. Bir hafta ichida, noyabr oyining oxiridan 7 dekabrga qadar jangarilar Suriya shimolidan Damashq tomon yo‘l oldi. Qo‘shinlar va xavfsizlik kuchlari ularga deyarli qarshilik ko‘rsatmadi. Bashar Asad mamlakatni tark etib, Rossiyadan boshpana oldi.
Rossiya bazalarining taqdiri
Suriyaning yangi hukumati O‘rta Yer dengizi sohilida joylashgan Xmeymim va Tartusdagi Rossiya harbiy bazalari bo‘yicha Moskva bilan muzokaralar olib bormoqda, dedi Suriya o‘tish davri hukumati mudofaa vaziri Murhaf Abu Kasra. Asad davrida tomonlar bu bazalarda 49 yil muddatga rus qo‘shinlarini joylashtirish bo‘yicha kelishuvga erishdilar.
Hsh yetakchisi Ahmad al-Shara Suriya Rossiya qo‘shinlarini olib chiqib ketishni istamasligini aytdi. Reuters manbalariga tayanib yozishicha, Moskva ham Suriyadagi bazalarini tark etish niyatida emas. Ularning taqdiri «muloqot orqali hal qilinadi», dedi Kreml. Rossiya prezidenti Vladimir Putin ushbu bazalardan Suriyaga gumanitar yordam yetkazish uchun foydalanish taklifi haqida gapirdi. 21 yanvar kuni Damashq Rossiyaning «Stroytransgaz» kompaniyasi bilan Tartus portini boshqarish bo‘yicha kelishuvni bekor qildi.
«RIA Novosti» axborot agentligining manbaga tayanib xabar berishicha, Rossiya rasmiylari Suriyaning qurolli muxolifati vakillari bilan aloqada, ularning yetakchilari SAR hududidagi harbiy bazalar va diplomatik muassasalar xavfsizligini kafolatlagan.
Tavsiya etamiz
O‘zbekistonda kitob o‘qigan mahkumning jazo muddati qisqartirilishi mumkin
O‘zbekiston | 18:19 / 13.02.2025
Bloomberg Rossiya - Ukraina urushi tugashining ehtimoliy uchta ssenariysini tuzdi
Jahon | 16:41 / 13.02.2025
Tramp va Mask demontaji: USAID o‘rnini Xitoy egallamoqda
Jahon | 16:35 / 13.02.2025
Ka’ba atrofida rasmga tushish taqiqlandimi?
Jamiyat | 14:35 / 13.02.2025
So‘nggi yangiliklar
-
Hindistondagi vokzalda tiqilinch yuz berdi. Kamida 18 kishi halok bo‘ldi
Jahon | 16:16
-
Farg‘onada tarkibida giyohvand modda bo‘lgan dori vositalarini sotayotgan shaxs ushlandi
O‘zbekiston | 16:14
-
Maskni qo‘llagan Japarov, qimmatlagan ajrim va qotil bog‘cha tarbiyachisi – Markaziy Osiyo hafta ichida
Jahon | 15:59
-
Turkiyaga shartli kirish tartibi bekor qilindi
Jahon | 15:53
Mavzuga oid
![](https://storage.kun.uz/source/thumbnails/_medium/11/s47cv0iGPtO5AP7mqkwmz1tTJeQNLq0m_medium.jpg)
23:56 / 15.02.2025
O‘nlab rossiyalik oligarxlar sanksiyalardan qutulishga muvaffaq bo‘ldi
![](https://storage.kun.uz/source/thumbnails/_medium/11/GNU_lB6Dgzs0nNV2t1KDzhCDiDkaeiEu_medium.jpg)
23:30 / 15.02.2025
AQSh va Rossiya rasmiylari Tramp-Putin muzokaralariga tayyorgarlikni boshlaydi
![](https://storage.kun.uz/source/thumbnails/_medium/11/wKMJ2s3AkiA76gyie1yBHWvQEoORYSon_medium.jpg)
20:07 / 15.02.2025
Ukraina bo‘yicha hech qanday qaror Ukrainasiz qabul qilinmaydi - Zelenskiy Myunxenda nutq so‘zladi
![](https://storage.kun.uz/source/thumbnails/_medium/11/O7s4HnfU8fMTpEQ1QAicLL8mYw91qcnt_medium.jpg)
18:26 / 15.02.2025