Chirchiqda yashash xonadonida narkolaboratoriya tashkil etgan shaxs ushlandi
Narkolaboratoriyadan giyohvandlik moddalarini tayyorlashga mo‘ljallangan 42 litr kimyoviy suyuqliklar topilgan. Poytaxt IIBBga ko‘ra, uning yordamida 10 kg sintetik giyohvandlik vositasini tayyorlasa bo‘ladi.
Toshkent shahar IIBB va boshqa huquqni muhofaza qilish organlari tomonidan giyohvandlik, psixotrop va kuchli ta’sir qiluvchi dorilar savdosiga qarshi tezkor tadbirlar o‘tkazilmoqda. Bu haqda poytaxt IIBB matbuot xizmati Kun.uz’ga ma’lum qildi.
Qayd etilishicha, tezkor tadbirlar davomida Uchtepa tumanida 25 yoshli shaxs qo‘lga olingan bo‘lib, uning yonidan kuchli ta’sir qiluvchi dorilar va sintetik giyohvandlik vositalari topilgan. Shundan so‘ng, tezkor xodimlar tomonidan ushbu moddalarning manbasini aniqlashga qaratilgan tadbir davom ettirilgan. Gumonlanuvchi dorilar va sintetik giyohvandlik vositalarini muqaddam sudlangan 34 yoshli Jasur ismli shaxsdan olgani aniqlangan.
Xodimlar tomonidan Toshkent viloyati Chirchiq shahriga borilib, Jasurning yashash manzili xolislar ishtirokida ko‘zdan kechirilganda, mazkur shaxs narkolaboratoriya tashkil etgani ma’lum bo‘lgan. U yerdan juda katta miqdordagi giyohvandlik moddalarini tayyorlash uchun mo‘ljallangan 42 litr kimyoviy suyuqliklar, 42 gramm giyohvandlik vositasi, 21 dona kuchli ta’sir qiluvchi dorilar hamda boshqa daliliy ashyolar topilgan.
Jasur bilan o‘tkazilgan surishtiruvlar natijasida, Hamid ismli shaxs ham qo‘lga olingan. U Chirchiq shahridagi yashash manzilida katta miqdordagi giyohvandlik vositalari va kuchli ta’sir qiluvchi dorilarni saqlab kelgan. Olingan daliliy ashyolar 435 gramm giyohvandlik moddalari va 12 dona kuchli ta’sir qiluvchi dorilarni tashkil qilmoqda.
Qayd etilishicha, 42 litr kimyoviy suyuqliklardan taxminan 10 kilogramm sintetik giyohvandlik vositasi tayyorlasa bo‘ladi. «Bu taxminan 20 mingdan ortiq insonni zaharlashi mumkin edi. Umumiy hisobda tezkor tadbirlar natijasida 813,7 ming dollarlik giyohvandlik moddalar va kuchli ta’sir qiluvchi dorilar ushlab qolindi», — deyiladi xabarda.
Tavsiya etamiz
Trampdan Putinga navbatdagi «sovg‘a»: AQSh prezidenti Zelenskiy saylovda yengilishiga ishora qildi
Jahon | 23:06 / 19.02.2025
Muzokarami yoki gurung: AQSh va Rossiya bosh diplomatlari uchrashuvi haqida
Jahon | 20:38 / 19.02.2025
Pensiyani avtomatik tayinlashga o‘tilmoqda. Asosiy savollarga javoblar
Iqtisodiyot | 16:58 / 19.02.2025
“Gaz eksportida iqtisodiy mantiq bo‘lishi kerak” - Shuhrat Rasul
O‘zbekiston | 14:55 / 19.02.2025
So‘nggi yangiliklar
-
Qirg‘iziston Tojikiston va O‘zbekiston bilan chegarada nazoratni kuchaytirmoqchi
Jahon | 23:49 / 21.02.2025
-
Toshkentda yerusti metro liniyasi yaqinida yong‘in yuz berdi
Jamiyat | 23:12 / 21.02.2025
-
500 milliard dollarlik nafrat: Tramp nega Zelenskiyni yomon ko‘rib qoldi?
Jahon | 22:53 / 21.02.2025
-
Yaponiya sudi «Senday» AES yadroviy reaktorlari ishini to‘xtatish to‘g‘risidagi da’voni rad etdi
Jahon | 22:51 / 21.02.2025
Mavzuga oid

19:40 / 19.02.2025
Oson shartlarda kvartira: Toshkentda “novostroyka”ni quruvchidan olib berishda vositachi firma ustidan tergov boshlandi

18:06 / 19.02.2025
Noma’lum shaxs Toshkentdagi 71-maktabda «qirg‘in» uyushtirish bilan tahdid qildi

17:25 / 18.02.2025
Toshkent yo‘llarida qayrilib olish joyidan oldin chizilgan yangi yo‘l chiziqlari o‘chirib tashlanmoqda

19:57 / 17.02.2025