Meta kompaniyasi Trampga 25 mln dollar to‘lashga rozi bo‘ldi
2021 yilda Kapitoliyda yuz bergan tartibsizliklardan keyin Donald Trampning Instagram va Facebook akkauntlari bloklangan edi. Shundan so‘ng Tramp Meta ustidan sudga da’vo arizasini kiritgan. Kompaniya mazkur da’voni hal etish uchun 25 mln dollar to‘laydigan bo‘ldi.

Foto: Alamy
Meta kompaniyasi 2021 yilgi da’voni hal etish maqsadida AQSh prezidenti Donald Trampga 25 million dollar to‘lashga rozi bo‘ldi. Tramp ushbu da’voni Facebook va Instagram akkauntlari bloklangan vaqtda bergandi, deb yozadi The New York Times.
NYT ma’lumotlariga ko‘ra, taxminan 22 million dollar Trampning prezident kutubxonasini moliyalashtirishga sarflanadi, qolgan 3 million esa Tramp va sud jarayoniga qo‘shilgan boshqa shaxslarning yuridik xarajatlarini qoplashga mo‘ljallangan. Shu bilan birga, Meta da’vo doirasida hech qanday qoidabuzarliklarni tan olmaydi.
Qayd etilishicha, Meta’ning kompensatsiya to‘lashga rozi bo‘lishi «yirik texnologik kompaniya tomonidan sezilarli yonbosish va Tramp uchun g‘alaba hisoblanadi, u avvallari ijtimoiy tarmoq platformalarini senzura uchun tanqil qilgan».
Trampning Facebook va Instagramʼdagi akkauntlari 2021 yil 7 yanvarda — Kapitoliydagi tartibsizliklarning ertasi kuni bloklangan edi. Meta asoschisi Mark Tsukerberg platformalardan «demokratik yo‘l bilan saylangan hukumatga qarshi zo‘ravonlik isyonini qo‘zg‘atishda» foydalanilganini bildirgan. O‘sha yilning yozida Tramp kompaniyani sudga bergan.
Trampning akkauntlari 2023 yil fevraldagina blokdan chiqarildi. Meta’ning global masalalar bo‘yicha prezidenti Nik Klegga ko‘ra, akkauntlar Donald Tramp 2024 yilgi prezidentlik saylovlarida ishtirok etishni rejalashtirayotgani sabab blokdan chiqarilgan.
Trampning saylovlardagi g‘alabasidan keyin Tsukerberg AQSh prezidentining Floridadagi qarorgohiga borib, u bilan uchrashdi. Dekabr oyida Meta Trampning inauguratsiya jamg‘armasiga 1 million dollar xayriya qildi.
2024 yilning to‘rtinchi choragida Meta’ning daromadi 21 foizga oshdi. Mark Tsukerberg choraklik moliyaviy natijalar bo‘yicha investorlar bilan o‘tkazilgan telefon orqali suhbatda Tramp administratsiyasini Amerika texnologik kompaniyalarini qo‘llab-quvvatlagani uchun maqtagan.
Tavsiya etamiz
Trampdan Putinga navbatdagi «sovg‘a»: AQSh prezidenti Zelenskiy saylovda yengilishiga ishora qildi
Jahon | 23:06 / 19.02.2025
Muzokarami yoki gurung: AQSh va Rossiya bosh diplomatlari uchrashuvi haqida
Jahon | 20:38 / 19.02.2025
Pensiyani avtomatik tayinlashga o‘tilmoqda. Asosiy savollarga javoblar
Iqtisodiyot | 16:58 / 19.02.2025
“Gaz eksportida iqtisodiy mantiq bo‘lishi kerak” - Shuhrat Rasul
O‘zbekiston | 14:55 / 19.02.2025
So‘nggi yangiliklar
-
«Uning qatnashishi juda muhim emas» - Tramp Zelenskiyning urushni to‘xtatishga oid muzokaralardagi ishtiroki haqida
Jahon | 00:58
-
Andijonda 4 ta mashina ishtirokida YTH sodir bo‘ldi
O‘zbekiston | 00:27
-
Qirg‘iziston Tojikiston va O‘zbekiston bilan chegarada nazoratni kuchaytirmoqchi
Jahon | 23:49 / 21.02.2025
-
Toshkentda yerusti metro liniyasi yaqinida yong‘in yuz berdi
Jamiyat | 23:12 / 21.02.2025
Mavzuga oid

00:58
«Uning qatnashishi juda muhim emas» - Tramp Zelenskiyning urushni to‘xtatishga oid muzokaralardagi ishtiroki haqida

22:53 / 21.02.2025
500 milliard dollarlik nafrat: Tramp nega Zelenskiyni yomon ko‘rib qoldi?

20:02 / 21.02.2025
Vashingtondagilar Trampning Zelenskiyga hujumlarini izohladi

12:25 / 21.02.2025