«Манчестер Юнайтед» сафарда «Ньюкасл» билан жанговар дуранг қайд этди

12 январь куни оқшомида Англия чемпионатининг 21-туридан ўрин олган 3та учрашув ўтказилди.

Турнинг биринчи кунидаги энг кўп гол урилган учрашув “Ньюкасл” ҳамда “Манчестер Юнайтед” клублaри ўртасидаги баҳс бўлди.

Бу баҳс 3:3 ҳисобидаги жангавор дуранг билан якун топди. Манкунианликлар сафида Руни дубль қайд этган бўлса, Лингард ўз ҳисобига битта гол ёзиб қўйди.

“Ньюкасл” таркибида эса Вейналдум, Митрович ҳамда Дамметт биттадан гол уришди.

Эндиликда "МЮ" ҳисобидаги очколар сони 34тага етган ва жамоа олтинчи ўринга мустаҳкам жойлашган. “Ньюкасл” эса 18 очко билан 18-ўринда бормоқда.

Шунингдек, шу куни "Астон Вилла" "Кристал Пелас" билан, "Борнмут" эса "Вест Ҳэм" билан ўйнади. Реми Гаард бошчилигидаги бирменгемликлар Алан Пардью шогирдларини кичик ҳисобда енгишган. Мавсум дебьютанти "Борнмут" эса ўз майдонида Славен Билич бошчилигидаги "Вест Ҳэм"дан енгилишган. Бу ўйинда анча вақтдан бери жароҳатини тузатган Пайе қайтиш қилган ва гол уриб, ғалабага ҳисса қўшган.

Эндиликда, турнир жадвалининг энг қуйи ўрнидаги "Астон Вилла" жамоаси ҳисобидаги очколар сони 11тага етган. "Кристал Пелас" эса бу мағлубият туфайли "МЮ"ни қувиб ўтиш имконидан маҳрум бўлиб, 31 очко билан еттинчи ўринда қолмоқда.

"Вест Ҳэм" 35 очко билан бешинчи, "Борнмут" эса 21 очко билан 16-ўринда турибди.

Англия чемпионати, 21-тур

"Ньюкасл" – "Манчестер Юнайтед" 3:3 (1:2, 2:1)
Голлар: 0:1 – 9, пенальти Руни, 0:2 – 38 Лингард, 1:2 – 42 Вейналдум, 2:2 – 67, пенальти Митрович, 2:3 – 79 Руни, 3:3 – 90 Дамметт.
"Ньюкасл" – Эллиот, Янмат, Мбемба, Колоччини, Дамметт, Тиоте (Тоуни, 85), Колбэк (Гуффран, 81), Сиссоко, Вейналдум, Перес (де Йонг, 90), Митрович.
"Манчестер Юнайтед" – Де Хеа, Янг, Смоллинг, Блинд, Дармиан, Шнайдерлин, Феллайни, Марсьяль, Эррера (Мата, 75), Лингард (Депай, 64), Руни.
Огоҳлантиришлар: Феллайни (25), Эррера (30), Тиоте (35), Смоллинг (66).

"Борнмут" – "Вест Ҳэм" 1:3 (1:0, 0:3)

Голлар: 1:0 – 17 Артер, 1:1 – 67 Пайе, 1:2 – 74 Валенсия, 1:3 – 84 Валенсия.
"Борнмут" – Боруц, Смит, Фрэнсис, Кук, Дэниэлс, Серман, Ритчи (Итурбе, 50), Гослинг, Артер (Мюррей, 80), Станислас, Афобе (Грэббен, 72).
"Вест Ҳэм" – Адриан, Томкинс (Дженкинсон, 61), Коллинз, Огбонна, Крессуэлл, Нобл, Обианг, Валенсия, Пайе (Сонг, 78), Антонио, Кэрролл (Елавич, 15).
Огоҳлантиришлар: Смит (66), Пайе (68).

"Астон Вилла" – "Кристал Пэлас" 1:0 (0:0, 1:0)

Гол: 1:0 – 58 Лескотт.
"Астон Вилла" – Банн, Бакуна, Окоре, Лескотт, Сиссоко, Верету, Вествуд, Гуйе, Хиль (Кларк, 90), Козак, Айю.
"Кристал Пэлас" – Хеннесси, Уорд, Дэнн, Дилэйни, Суаре, Ледли (Уикхэм, 46), Кабай, Макартур (Единак, 78), Панчон, Сако (Шамах, 62), Заа.
Огоҳлантиришлар: Верету (68), Уорд (79), Гуйе (80).