«Реал» ҳужумчиси ёш мухлисини жамоа базасига автомобилида олиб келди

Фото: Streamable

Мадриднинг «Реал» жамоаси ҳужумчиси Альваро Мората мухлисини жамоанинг машғулотлар базасига ўз машинасида олиб келган. Мората имзоси қўйилган футболкасини тақдим этиш мақсадида шундай йўл тутган. Ушбу воқеага оид видеолавҳа Carletto номли фойдаланувчининг Streamable порталидаги саҳифасига жойлаштирилган.

Жамоа футболкаси ёнида бўлмаган Мората болани автомобилига таклиф қилган ҳамда машғулотлар базасига олиб келган. Албатта, бундан аввал ҳужумчи боланинг онасидан рухсат сўраган.