Исландия қароқчилар партияси Сноуденга фуқаролик ва бошпана бермоқчи
Исландиянинг қароқчилар партияси мамлакат парламентида (альтинг) ғолиб бўладиган бўлса, АҚШ миллий хавфсизлик агентлиги собиқ ходими Эдвард Сноуденга Исландия фуқаролигини беради. Бу ҳақда партия вакили Сунна Айварсдоттир маълум қилган.
"Биз олдин ҳам айтганимиздек, агар Сноуден бу ерга келишни истаса, биз барча имкониятларни тақдим этамиз. Унга бошпана берамиз", — деган Айварсдоттир.
Сноуден 2013 йилнинг июнь ойида Washington Post ва Guardian газеталарига АҚШ ва Буюк Британия махсус хизматларининг интернет кузатув дастурига оид материалларни тақдим этган эди.
29 октябрь куни Исландия парламентига сайловлар бўлиб ўтади. ОАВ берган маълумотларга кўра, қароқчилар партияси айни пайтда сайловчиларнинг 20,4 фоиз овозини олиб, иккинчи ўринни эгаллаб турибди. Бу партиядан олдинда 25,2 фоизлик натижа билан Исландия мустақил партияси бормоқда.
Мавзуга оид
23:30 / 17.09.2024
Руминияда номаълум эркак парламент биносига ўт қўйди. Қарийб 300 киши эвакуация қилинди
10:20 / 12.09.2024
Марказий Осиё давлатларининг иккинчи парламентлараро форуми бошланди
10:06 / 23.08.2024
Исландиянинг жануби-ғарбий қисмида яна вулқон отилди
22:13 / 21.08.2024