Қирғизистон Ўзбекистон билан ҳамкорликка катта умид боғламоқда
Қирғизистон президент Алмазбек Атамбоевнинг Ўзбекистонга қилган ташрифидан мамнун. Бу ҳақида президентнинг ташқи сиёсат бўлими раҳбари Сапар Исоқовнинг сўзларига асосланиб, 24.kg сайти маълум қилди.
"Самарқандга ташрифимиз юқори даражада кечди. Биз сафар натижаларидан жуда мамнунмиз. Икки томонлама музокараларда бугунги кундаги муҳим бўлган деярли барча масалалар муҳокама қилинди", - деди у.
Икки давлат раҳбари учрашуви давомида айнан қандай лойиҳалар муҳокама этилгани тўғрисидаги саволга Сапар Исоқов шундай жавоб берди: "Шуни алоҳида таъкидламоқчиманки, бизнинг муносабатларимиз ижобий тус олган. Мен музокаралар якунлари бўйича қўшимча брифинг ўтказилгунга қадар бу ҳақида гапиришни истамасдим".
"Шу жумладан минтақавий лойиҳалар ҳам муҳокама қилинди. Бизнинг хитойлик ҳамкасбларимиз Буюк ипак йўли бўйича лойиҳалар таклиф қилишди. Масалан, у ерда уч томонлама темир йўл қуриш лойиҳаси бор. Ўзбек дўстларимиз ХХРнинг бу ғоясини қўллаб-қувватлашди. Умуман олганда, бу уч томонлама форматда муҳокама қилинади", - дея қўшимча қилди Сапар Исоқов.
Мавзуга оид
18:48 / 28.09.2024
Хитойдан Қирғизистон орқали ўтадиган темир йўлнинг Ўзбекистондаги қисми қачон қурилиши маълум бўлди
20:44 / 26.09.2024
Садир Жапаров Асқар Акаевнинг Қирғизистон президенти лавозимида қилган учта асосий хатосини айтди
09:55 / 25.09.2024
Саидикром Ниёзхўжаев Ўзбекистоннинг Қирғизистондаги элчиси этиб тайинланди
20:32 / 24.09.2024