Аъзамхон Баҳромов Қўшработ туманига ҳоким бўлди

Кеча, 4 сентябрь куни Халқ депутатлари Қўшработ тумани Кенгашининг навбатдан ташқари сессияси бўлиб ўтди. Сессияда Самарқанд вилоят ҳокими вазифасини бажарувчи Т. Жўраев маъруза қилди.

Kun.uz манбаси хабарига кўра, сессияда ташкилий масала кўрилган. Олимжон Акмалович Алихўжаев ўз аризасига биноан Қўшработ тумани ҳокими вазифасидан озод этилган.

Вилоят ҳокими вазифасини бажарувчи тавсиясига кўра, Аъзамхон Усмонович Баҳромов Қўшработ тумани ҳокими этиб тасдиқланди.

Эслатиб ўтамиз, Аъзамхон Баҳромов ўз вақтида Самарқанд вилоят ҳокими вазифасини бажарувчи лавозимида ҳам ишлаган.