Грузиянинг собиқ бош вазири ҳукмрон партия раиси этиб тайинланди
Грузиянинг “Грузия орзуси” ҳукмрон партияси 11 май кунидаги қурултойида партиянинг янги раиси номзодини тасдиқлади: партияга унинг асосчиси, тадбиркор Бидзина Иванишвили раислик қиладиган бўлди.
Апрель охирида Грузия бош вазири Георгий Квирикашвили “Грузия орзуси” партияси раиси лавозимини тарк этишини ва бу лавозимни Иванишвили эгаллашини айтганди. “Грузия орзуси” коалицияси парламент кўпчилиги ва янги ҳукуматни шакллантириб, ҳокимият тепасига 2012 йил ноябрда келган.
Қурултойда шунингдек партия сиёсий кенгашининг янги таркиби тасдиқланган. Иванишвили сайловлардан кейин бош вазир лавозимини эгаллаган, бироқ маълум вақтдан кейин уни тарк этиб, “фуқаролик сектори”га ўтган. Шунга қарамай, мухолифат вакиллари Иванишвили “мамлакатни бошқаришда давом этаётгани”ни бир неча бор айтиб ўтишган.
Мавзуга оид
18:59 / 09.08.2024
Georgian Airlines авиакомпанияси Навоийга юк парвозларини йўлга қўйди
22:38 / 06.08.2024
Грузия парламенти спикери Саакашвили афв этилиши мумкинлигини айтди
21:47 / 24.07.2024
Гуржистонда ҳукмрон партия асосчисига эҳтимолий суиқасд тергов қилинмоқда
15:26 / 03.06.2024