Кобзон уч суиқасддан омон қолгани маълум қилинди
Продюсер Марк Рудинштейн россиялик қўшиқчи, 30 августда ҳаётдан кўз юмган Иосиф Кобзонга бир нечта суиқасд амалга оширилгани ҳақида сўзлаб берди.
Рудинштейннинг айтишича, бу суиқасдлардан бири 10 йил аввал Сочига кетаверишда содир этилган.
“Унинг ҳаётига пул учун ҳам суиқасд қилинган. 10 йил аввал Кобзон билан бир машинада Сочига кетаётгандик. Ортимиздан иккинчи машинада тансоқчилар борарди. Уларнинг машинаси ёқилғи қуйиш шохобчасида тўхтаган, биз эса аэропортга йўл олганмиз. Бир неча дақиқадан кейин эса Кобзонга тансоқчилари машинасини кимдир портлатгани ҳақида маълум қилишган. Одамлар ҳалок бўлган”, деб эслаб ўтди Рудинштейн.
Унинг таъкидлашича, артистнинг “Интурист” меҳмонхонаси олдидаги офиси ёнида ҳам гранаталар портлатишган. “Камида уч марта кимдир уни йўқ қилишни истаган”, деб қўшимча қилган продюсер ва Кобзон ҳеч нарсадан қўрқмаганини таъкидлаб ўтган.
Иосиф Кобзон 30 августда 80 ёшида ҳаётдан кўз юмди. Марҳум 2 сентябрда Москвадаги Востряков қабристонида дафн этилади.
Мавзуга оид
22:59 / 25.09.2024
АҚШ Сенати: Махфий хизмат Трампга уюштирилган суиқасднинг олдини олиши мумкин эди
23:52 / 19.09.2024
АҚШ Махфий хизмати Илон Маскнинг ўчириб юборилган твити бўйича текширув бошлади
08:30 / 17.09.2024
Трампга суиқасдда гумонланаётган шахсга айблов қўйилди
09:40 / 16.09.2024