Ўзбекистон қарзга олган пуллар нимага сарфланмоқда?
2020 йил 1 июль ҳолатига Ўзбекистон Республикаси номидан ва унинг кафолати остида жалб қилинган қарз қолдиғи дастлабки ҳисоб-китобларга кўра 19,4 млрд. доллар эквивалентини ёки ялпи ички маҳсулотга (ЯИМ) нисбатан 34,0 фоизни ташкил этди.
Хусусан, жорий йилнинг I ярим йиллигида давлат ташқи қарзи 1,6 млрд. долларга ёки йил бошига нисбатан 10,5 фоизга ошиб, жорий йилнинг 1 июль ҳолатига 17,31 млрд. долларга ёки ЯИМга нисбатан 30,3 фоизга етди.
Молия вазирлиги қарзга олинган пуллар нимага сарфланаётгани тўғрисидаги маълумотни очиқлади.
2020 йил январ-июнь ойларида имзоланган давлат ташқи қарзи битимлари:
Жаҳон банкидан 100 млн доллар “Обод қишлоқ” лойиҳасига;
Нефт экспорт қилувчи мамлакатлар уюшмаси (ОПЕК)дан 53,4 млн доллар Наманган шаҳри, Наманган вилоятининг Заркент ва Хўжакент туманларининг сув таъминоти ва оқава сув тизимларини модернизациялаш лойиҳасига;
Жаҳон банкидан 200 млн доллар Иқтисодий ислоҳотлар дастурини қўллаб-қувватлашни қўшимча молиялаштиришга (DPO 2);
Халқаро валюта жамғармасидан 125 млн доллар ва 250 млн доллар иқтисодиётни қўллаб-қувватлашга;
Осиё инфратузилмавий инвестициялар банкидан 82 млн доллар “Обод қишлоқ” лойиҳасига.
2020 йил январ-июнь ойларида берилган давлат кафолатлари:
Россия ташқи иқтисодий фаолият банкидан 28,3 млн. евро Тўпаланг ГЭСни модернизация қилишга;
Россия ташқи иқтисодий фаолият банкидан 38,8 млн. евро Қуйи чотқол ГЭС қурилишига;
Россия ташқи иқтисодий фаолият банкидан 34,2 млн. евро Дарғом каналида Боғишамол 2-кичик ГЭС қурилишига;
Хитой давлат тараққиёти банкидан 309,0 млн. доллар "Ўзбекистон ҳаво йўллари" миллий авиакомпанияси учун “Боинг 787-8” русумидаги 3 та самолётларни сотиб олишга.
Аввалроқ, давлат ташқи қарзининг валюта таркиби тўғрисида маълумот берилганди.
Мавзуга оид
18:07 / 06.09.2024
Ўзбекистоннинг давлат қарзи илк марта 37 млрд долларга етди. Умумий қарзлар эса 60 млрд доллардан ошган
21:25 / 25.08.2024
Хитой–Марказий Осиё муносабатлари. Нозик мавзуда сиёсатшунослар баҳси
20:38 / 04.06.2024
Кафолатланмаган корпоратив қарзларни қайтариш Ўзбекистон ҳукуматининг зиммасига тушиб қолиши хавфи бор — S&P
11:00 / 31.05.2024