«Ўзгидромет» бош директори тайинланди

Ўзбекистон Республикаси Гидрометеорология хизмати марказининг бош директори тайинланди. Бу ҳақда Кадастр агентлиги хабар берди.

Қайд этилишича, Ўзбекистон президентининг 18 сентябрдаги ПҚ-4832-сонли қарори билан Шерзод Ҳабибуллаев Ўзбекистон Гидрометеорология хизмати марказининг бош директори лавозимини эгаллади.

Шерзод Ҳабибуллаев 2017-2020 йиллар давомида «Давергеодезкадастр» қўмитаси раисининг ўринбосари лавозимида фаолият юритган.

Билдирилишича, у соҳага ахборот технологияларини жорий этиш, аҳолига хизмат кўрсатишни тезкорлик ва содда йўл билан бажариш бўйича бир қанча ишларни амалга оширди.

«Ўзгидромет» расмий сайтининг «раҳбарият» бўлимида мазкур лавозим вакант эканлиги кўрсатилган.

Эслатиб ўтамиз, 2004 - 2017 йилларда «Ўзгидромет»га Виктор Чуб раҳбарлик қилган.