Ёшлар муаммоларини тизимли ўрганиш вазифаси ДХХга юклатилди

Шавкат Мирзиёев ёшларнинг ижтимоий муаммоларини тизимли ўрганиш ва мувофиқлаштириш вазифасини Давлат хавфсизлик хизматига юклади.

Ўзбекистонда ёшлар муаммоларини ўрганиш бўйича республика ишчи гуруҳи ўғил-қизларнинг таклифларини «маҳаллабай» ўрганмоқда.

Президент Шавкат Мирзиёевнинг сўзларига кўра, бугунги кунга қадар пойтахт ва 6та вилоятда 50 мингга яқин ёшлар билан мулоқот ўтказилган.

«Билдирилган таклиф ва истаклар асосида туман ва шаҳарлар кесимида ёшлар дастурлари тасдиқланди. Ушбу дастурларнинг ижроси ҳамда ёшларнинг ижтимоий муаммоларини тизимли ўрганиш ва мувофиқлаштириш вазифаси Давлат хавфсизлик хизматига юклатилди», – деди давлат раҳбари 27 январь кунги селекторда.

Президентнинг қайд этишича, вазифанинг муҳимлиги инобатга олиниб, ДХХ ёшлар муаммолари бўйича режаларнинг жойларда амалга оширилишини назорат қилади. Бу режалар бажарилишига кўмаклашади ва лозим пайтда масъулларга бажартиради ҳам.

Шавкат Мирзиёев ёшлар бандлигини таъминлашга оид янги вазифаларни белгилаб берди

2021 йилда 500 мингдан ортиқ ёшларни касб-ҳунар ва тадбиркорликка ўқитиш вазифаси қўйилди

#ёшлар #Шавкат Мирзиёев #ДХХ