Сенат раиси Қўйлиққа бориб, мардикорлар билан учрашди

Олий Мажлис Сенати раиси Танзила Норбоева бошчилигидаги ишчи гуруҳ Тошкент шаҳрининг туманларида сайёр қабуллар ўтказмоқда. 27 март куни ишчи гуруҳ Яшнобод ва Бектемир туманларида бўлди.

Фото: Олий Мажлис Сенати ахборот хизмати

Танзила Норбоева бу туманлардаги кунлик ишчилар маркази фаолиятига эътибор қаратди.

Сенат раиси «Қўйлиқ» бозори ҳудудидаги мардикор бозоридаги ишчилар билан суҳбатлашган, уларни қийнаётган муаммоларни тинглади.

«Шу ернинг ўзида улар назоратга олиниб, тегишли мутасаддиларга кўрсатмалар берилди», – дейилади Сенат матбуот хизмати хабарида.

Эслатиб ўтамиз, куни кеча Kun.uz мардикорлар ҳақида ҳикоя қилувчи видеоматериал эълон қилган эди. Унда мардикорликка чиқувчи эр-хотин ишсизлик ва уйсизликдан қийналаётганлари ҳақида сўзлаб берган.

«Биз кўрган кунларни болаларимиз кўрмасин» – умри сарсонгарчиликда ўтаётган оила ҳикояси

#Танзила Норбоева #мардикор