Uzbekistan Airways Москванинг Домодедово аэропортига қатновларни тиклайди

Миллий авиакомпания расмий Телеграм каналида хабар берилишича, парвозларнинг тикланиши хусусидаги қарор аввало Ўзбекистон ҳаво йўллари рейсларида йўловчиларнинг қулайлигини таъминлаш ва хизмат кўрсатиш даражасини ошириш учун қабул қилинган.

«Uzbekistan Airways» АЖ ва Домодедово аэропорти ҳамкорлиги шерик авиакомпаниялар парвозларининг кенг географияси ҳамда трансфер рейслар туфайли Ўзбекистонда туризмни динамик ривожлантириш учун қулай шарт-шароитлар яратади.

«Бизнинг ҳамкорлигимиз йўловчилар учун вақт тежалиши ва учишлар учун харажатларнинг қисқариши борасида янги имкониятлар очади», — деган Uzbekistan Airways’нинг Россия Федерациясидаги ҳудудий вакили Акмал Жўраев.

«Биз ҳамкорликнинг янги саҳифасини очмоқдамиз ва аэропортнинг технология ва нуфузидан Uzbekistan Airways’нинг бозордаги ўрнини мустаҳкамлаш йўлида фойдаланиш ниятидамиз. Ишонаманки, Ўзбекистоннинг бой тарихи ва маданияти туристларни жалб этади, авиакомпания рейсларидаги қулайлик ва хизматлар Домодедоводан учишни танлашга хизмат қилади», — деган Москванинг Домодедово аэропорти директори Андрей Павлов.