Қарийб 700 млн сўмлик газдан ноқонуний фойдаланган новвойхона аниқланди
Фуқаро давлат рўйхатидан ўтмасдан, ўз яшаш хонадонида новвойхона ташкил қилиб, ностандарт ёндиргичлар (горелка)ни газ тармоғига ўзбошимчалик билан улаб, жами 699,2 млн сўмлик табиий газни ўғирлаган.
Энергия ресурсларини талон-торож қилинишини фош этишга қаратилган назорат тадбирлари давом этмоқда. Бу ҳақда Бош прокуратура хабар берди.
Жиззах шаҳрининг Маданият маҳалласида яшовчи фуқаро С.С. тегишли тартибда давлат рўйхатидан ўтмасдан, ўз яшаш хонадонида новвойхона ташкил қилиб, ностандарт ёндиргичларни (горелка) газ тармоғига ўзбошимчалик билан улаб, жами 699,2 млн сўмлик 268,9 минг метр куб табиий газни ўғирлаган.
Мазкур ҳолат юзасидан фуқаро С.С.га нисбатан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилиб, гумонланувчи процессуал тартибда ушланган.
Мавзуга оид
13:30 / 20.09.2024
ГФР иқтисодиёт вазири: Германияда энди газ тақчиллиги йўқ
11:16 / 12.09.2024
Евроиттифоқ Россия газидан бутунлай воз кечишга тайёр
15:54 / 04.09.2024
Энергетик мустақиллик асоси. Ўзбекистон йирик газ экспортёридан соф импортёрига айланди
20:34 / 29.08.2024