Xitoylik boylarning 60 foizdan ko‘prog‘i mamlakatni tark etishni rejalashtirmoqda
XXRdagi badavlat kishilarning 60 foizdan ko‘prog‘i xorijdagi ko‘chmas mulklarga investitsiya qilishni hamda yaqin uch yil ichida mamlakatni tark etishni rejalashtirmoqda. Bu haqida The South China Morning Post xabar berdi.
Hurun Report jurnali va Amerikaning Visas Consulting Group tomonidan o‘tkazilgan so‘rovnomaga ko‘ra, xitoylik boylar orasidagi eng mashhur shaharlar — AQShda joylashgan Los-Anjyeles, San-Frantsisko va Sietl. Taxminiy emigratsiyaning sabablari sifatida yuan devalvatsiyasi islohoti (2015 yildan yuanning dollarga nisbatan 10 foizga arzonlashgani) va ichki bozorning inqiroz ehtimoli ko‘rsatilmoqda.
Aksariyat boylar farzandlariga amerikacha ta'limini berishga harakat qilishadi, AQShdagi yashash sharoitining yaxshiligi ta'kidlashadi va o‘z pullarini xavfsizlantirishga urinishadi. Jami o‘rtacha moliyaviy ahvoli 27 million yuanni (taxminan 4 million dollar) tashkil qilgan 240 nafar kishi so‘rovdan o‘tdi.
XXRda moliyaviy ahvoli 10 million yuandan ortiq (1,47 million dollar) taxminan 1,34 million kishi yashaydi. Shu tariqa, taxminlarga ko‘ra, badavlat emigrantlar soni 800 ming kishidan ortishi mumkin.
Mavzuga oid
20:34
Zelenskiy Nyu Yorkda Tramp bilan uchrashdi
18:31
“100 mln dollarlik gazning havoga uchishi to‘xtaydi” - AQSh kompaniyasi O‘zbekistonda gaz tarmoqlarini ta’mirlamoqda
22:34 / 26.09.2024
AQSh va Yevropa Putinning yangi yadroviy tahdidlariga javob qaytardi
07:30 / 26.09.2024