Qozog‘istonlik Rossiyaga qo‘shilishga chaqiriqlari uchun ozodlikdan mahrum etildi
Shimoliy Qozog‘iston viloyati Petropavlovsk shahar sudi qishloqlardan birida yashovchi Igor Chuprin ismli kimsani, tergov ma'lumotlariga ko‘ra, millatlararo adovatni qo‘zg‘ovchi va Rossiyaga qo‘shilishga chaqiruvchi postlari uchun 5 yil 6 oyga ozodlikdan mahrum qildi. Bu haqda Sputnik Kazaxstan xabar berdi.
Sudlanuvchi "Axborot-kommunikatsiya tarmoqlarini qo‘llab milliy adovatni qo‘zg‘ashga qaratilgan harakatlar" va "Qozog‘iston Respublikasi unitarligi va yaxlitligiga putur yetkazishga qaratilgan tashviqot" moddalari bo‘yicha aybdor deb topildi.
Sudlanuvchi bu postlarni Igor Chup taxallusi ostida "VKontakte" ijtimoiy tarmog‘ida 2014 yil 1 sentabrdan 2015 yil 20 mayigacha chop etib borgan. Sudning ta'kidlashicha, Chuprin ijtimoiy tarmoqda qoldirgan xabar va izohlar uning qozoq millati vakillariga salbiy munosabatda ekanligini ko‘rsatgan.
Sud matbuot xizmatida Chuprinning sahifasida salbiy izohlar qoldirgan foydalanuvchilarga nisbatan ham sudgacha tergov olib borilayotgani ma'lum qilindi.
Mavzuga oid
20:48 / 26.09.2024
Qozog‘iston va O‘zbekiston davlat chegarasini demarkatsiya qilish to‘g‘risidagi hujjatni BMT Kotibiyatiga topshirdi
14:10 / 26.09.2024
O‘zbekiston va Qozog‘iston Sirdaryo bo‘yida suv o‘lchash stansiyalarini o‘rnatadi
19:18 / 25.09.2024
Qozog‘istonda O‘zbekistondan keltirilgan 2,5 tonna shaftolida zararkunanda aniqlandi
22:59 / 24.09.2024