Luizianaga «Harvi» tropik po‘rtanasi yopirildi
«Harvi» tropik po‘rtanasi Amerikaning Luiziana shtatiga yetib keldi. Bu haqda AQSh dovullar haqida ogohlantirish Milliy markazi xabar bermoqda.
Ayni damda po‘rtana Kameron okrugi hududi ustidan o‘tayotgani aytildi. Ta'kidlanishicha, shamol tezligi soatiga 72 kilometrga yetishi mumkin.
Associated Press’ning xabar berishicha, keyinchalik tropik po‘rtana Arkanzas, Tennessi va Missuri shtatlariga ham yetib borishi mumkin.
Texas shtatiga to‘rtinchi toifadagi «Harvi» dovuli bir necha kun avval yopirilgan edi. Keyinchalik u kuchsizlanib, tropik po‘rtanaga aylandi.
Avvalroq AQSh prezidenti Donald Tramp Luiziana shtatida «Harvi» tropik po‘rtanasi tufayli favqulodda holat rejimini e'lon qilgandi.
Mavzuga oid
22:37 / 28.09.2024
AQShda «Helen» to‘foni oqibatida 50 dan ortiq kishi halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024
“Mister va missis Ogorodnikoff”: AQShda ishlagan KGB josuslari qanday fosh qilingandi?
12:55 / 28.09.2024